Кіраўнік НЦІУ прымае ўдзел у форуме да 30-годдзя Кыргызпатэнта

Генеральны дырэктар Нацыянальнага цэнтра інтэлектуальнай уласнасці (НЦІУ) Уладзімір Рабаволаў удзельнічае ў Міжнародным форуме «Трансфармацыя інтэлектуальнай уласнасці ў эфектыўны інструмент развіцця інавацыйнай эканомікі», прымеркаванам да 30-годдзя фарміравання сістэмы інтэлектуальнай уласнасці ў Кыргызскай Рэспубліцы.

У выступленні У. Рабаволава было адзначана, што Кыргызпатэнт старанна працуе над стварэннем эфектыўнай і ўстойлівай нацыянальнай сістэмы інтэлектуальнай уласнасці. У сваёй прамове ён таксама выказаў надзею, што ведамства будзе працягваць актыўную працу па ўмацаванні інтэлектуальнага і інавацыйнага патэнцыялу Кыргызстана і ў будучыні.

«Сёння імкненне пашыраць сферы ўзаемадзеяння Кыргызпатэнта і НЦІУ адлюстравана ў Мемарандуме аб узаемаразуменні ў сферы інтэлектуальнай уласнасці, а таксама двухбаковых пагадненнях у галіне калектыўнага кіравання. Мяркую, што гэты пералік можа быць пашыраны пытаннямі цыфравізацыі і інавацыйнага развіцця ведамства. Патэнцыял для выпрацоўкі новых напрамкаў вялікі», – падкрэсліў генеральны дырэктар НЦІУ.

Больш навін аб інтэлектуальнай уласнасці – у нашых сацсетках (Facebook, Instagram, Telegram).