У НЦІУ прайшоў чарговы Адзіны дзень інфармавання

18 студзеня 2024 г. у Нацыянальным цэнтры інтэлектуальнай уласнасці (НЦІУ) у рамках Адзінага дня інфармавання прадстаўлены даклад на тэму «Год якасці – залог поспеху сацыяльна-эканамічнага развіцця краіны».

У ходзе даклада начальнік упраўлення таварных знакаў НЦІУ Наталля Сінішова распавяла аб розных аспектах якасці жыцця і вытворчасці ў краіне і іх узаемасувязі з сацыяльна-эканамічным развіццём рэспублікі.

Асноўнай тэмай абмеркавання сталі пытанні паляпшэння якасці жыцця насельніцтва (узровень адукацыі, даступнасць аховы здароўя, жылля, інфраструктуры, культурных і забаўляльных магчымасцяў), якасці вытворчасці тавараў і паслуг (аналіз узроўню тэхналагічнага развіцця, стандартаў якасці, інавацый, канкурэнтаздольнасці прадукцыі і паслуг на сусветным рынку), сацыяльна-эканамічнага развіцця (аналіз уплыву ўзроўню якасці жыцця і вытворчасці на эканамічны рост, занятасць, узровень даходаў) і інш.

Таксама даклад закрануў вызначэнне тэрміна «якасць» у розных краінах і гісторыі Дзяржаўнага знака якасці ў кантэксце станаўлення і развіцця Рэспублікі Беларусь.

Больш навін аб інтэлектуальнай уласнасці – у нашых сацсетках (Facebook, Instagram, Telegram).

Фота: Алена Васіленка