30 гадоў Дзяржаўнаму камітэту па навуцы і тэхналогіях Рэспублікі Беларусь

Гісторыя Дзяржаўнага камітэта пачынаецца ў 1993 г., калі пры Савеце Міністраў Рэспублікі Беларусь быў утвораны Камітэт па навуцы і тэхналогіях (у адпаведнасці з пастановай Савета Міністраў Рэспублікі Беларусь ад 30 лістапада 1993 г. № 809). 23 верасня 1994 г. Указам Прэзідэнта Рэспублікі Беларусь № 122 «аб змяненні структуры цэнтральных органаў кіравання Рэспублікі Беларусь» Камітэт па навуцы і тэхналогіях пры Савеце Міністраў Рэспублікі Беларусь быў рэарганізаваны ў Камітэт па навуцы і тэхналогіях шляхам далучэння яго да Міністэрства адукацыі і навукі Рэспублікі Беларусь.

З цягам часу стала ясна, што для эфектыўнага развіцця навукова-тэхнічнага патэнцыялу і паспяховага ўкаранення тэхнічных інавацый патрабуецца спецыялізаваная структура. 11 студзеня 1997 г. Указам Прэзідэнта Рэспублікі Беларусь № 30 «Аб сістэме рэспубліканскіх органаў дзяржаўнага кіравання, падпарадкаваных Ураду Рэспублікі Беларусь» Камітэт па навуцы і тэхналогіях Міністэрства адукацыі і навукі ператвораны ў Дзяржаўны камітэт па навуцы і тэхналогіях Рэспублікі Беларусь (ДКНТ).

Сёння адной з галоўных задач ДКНТ з'яўляецца стварэнне ўмоў для развіцця навукова-тэхнічнай і інавацыйнай сферы, а таксама сферы інтэлектуальнай уласнасці ў Беларусі. Камітэт ажыццяўляе падтрымку навуковых даследаванняў, аказвае дапамогу навуковым арганізацыям і ўстановам, а таксама стымулюе інавацыйныя праекты і тэхналагічную мадэрнізацыю.

Асноўным вынікам дзейнасці ДКНТ як рэгулятара ў навукова-тэхнічнай і інавацыйнай сферы з'яўляецца стварэнне і ўдасканаленне нацыянальнай інавацыйнай сістэмы Рэспублікі Беларусь.

Акрамя таго, ДКНТ займаецца распрацоўкай і рэалізацыяй праграм і праектаў у галіне навукі, тэхналогій і інавацый, праводзіць маніторынг і аналіз стану і эфектыўнасці навуковай, вытворчай і інавацыйнай дзейнасці ў краіне. Камітэт таксама ажыццяўляе ўзаемадзеянне з міжнароднымі і арганізацыйнымі структурамі для абмену вопытам і сумесных навуковых даследаванняў.

У цяперашні час на ДКНТ ускладзена больш за 20 функцый у сферы навукі і інавацый.

Больш навін аб інтэлектуальнай уласнасці – у нашых сацсетках (Facebook, Instagram, Telegram).

Фота: gknt.gov.by/