Беларусь імкнецца да фарміравання моцнай і збалансаванай сістэмы ІУ

Беларусь імкнецца да фарміравання моцнай і збалансаванай сістэмы інтэлектуальнай уласнасці, якая адпавядае міжнародным стандартам і інтарэсам нацыянальных заяўнікаў. 

Пра гэта падчас сустрэчы з Генеральным дырэктарам Сусветнай арганізацыі інтэлектуальнай уласнасці (САІУ) Дарэнам Тангам заявіў кіраўнік Нацыянальнага цэнтра інтэлектуальнай уласнасці Уладзімір Рабаволаў.

«Сёння як ніколі важна забяспечыць доступ да інструментаў інтэлектуальнай уласнасці на ўсіх узроўнях. Урад Рэспублікі Беларусь, у сваю чаргу, прызнае значнасць інтэграцыі інструментаў інтэлектуальнай уласнасці ў працу ўсіх сектараў эканомікі», – падкрэсліў ён.

Сустрэча адбылася ў рамках 64-й серыі пасяджэнняў Асамблей дзяржаў-членаў САІУ.

Больш навін аб інтэлектуальнай уласнасці – у нашых сацсетках (Facebook, Instagram, Telegram).

Фота: НЦІУ