Працягваецца прыём матэрыялаў для ўключэння ў зборнік III Міжнароднай навукова-практычнай канферэнцыі НЦІУ

Працягваецца прыём матэрыялаў для ўключэння ў зборнік III Міжнароднай навукова-практычнай канферэнцыі «Інтэлектуальная ўласнасць у сучасным свеце: выклікі часу і перспектывы развіцця», арганізатарамі якой выступаюць Дзяржаўны камітэт па навуцы і тэхналогіях Рэспублікі Беларусь і Нацыянальны цэнтр інтэлектуальнай уласнасці.

Да ўдзелу ў канферэнцыі запрашаюцца практыкуючыя юрысты, адвакаты, натарыусы, эканамісты, спецыялісты патэнтных службаў, патэнтныя павераныя, прафесарска-выкладчыцкі склад, а таксама ўсе асобы, якія цікавяцца пытаннямі аховы і абароны правоў на аб'екты інтэлектуальнай уласнасці.

Праграмай канферэнцыі прадугледжана абмеркаванне пытанняў аб ролі і месцы інтэлектуальнай уласнасці ў дасягненні тэхналагічнага суверэнітэту дзяржавы, праблем «IP & GameDev», а таксама актуальных напрамкаў трансфармацыі інтэлектуальнай уласнасці.

Эксперты разгледзяць аптымальныя інструменты аховы і кіравання вынікамі інтэлектуальнай дзейнасці, абмяркуюць значэнне сродкаў індывідуалізацыі як інструмента эканамічнай бяспекі прадпрыемства, асаблівасці прыцягнення фінансавання пад нематэрыяльныя актывы, закладу правоў на аб'екты інтэлектуальнай уласнасці (уключаючы вопыт Расійскай Федэрацыі).

У рамках тэматыкі «IP & GameDev» – прававы статус відэагульняў, асаблівасці прававога рэгулявання іх стварэння і выкарыстання і вытворных ад іх аб'ектаў інтэлектуальнай уласнасці, прававую прыроду віртуальнай маёмасці.

Не застануцца ў баку і пытанні развіцця сферы інтэлектуальнай уласнасці на сучасным этапе, у тым ліку праблемы забеспячэння балансу інтарэсаў грамадства, дзяржавы і асобы, лічбавай трансфармацыі ў сферы інтэлектуальнай уласнасці і інш. Асаблівая ўвага будзе нададзена сучасным тэндэнцыям развіцця права інтэлектуальнай уласнасці ў замежных краінах.

Азнаёміцца з больш падрабязнай інфармацыяй аб канферэнцыі і зарэгістравацца для ўдзелу можна да 17 кастрычніка 2023 г. па спасылцы.

Інфармацыйны ліст.

Кантактныя дадзеныя аргкамітэта: +375 17 373-10-91, +375 17 272-93-08, e-mail: conference@ncip.by.    

Партнёры канферэнцыі: Нацыянальная бібліятэка Беларусі, ТАА "ЮрСпектр".

Больш навін аб інтэлектуальнай уласнасці – у нашых сацсетках (Facebook, Instagram, Telegram).