Штогод 15 сакавіка адзначаецца Дзень Канстытуцыі Рэспублікі Беларусь (Канстытуцыя). Канстытуцыя з'яўляецца Асноўным Законам дзяржавы, на аснове якога фармуецца ўся сістэма заканадаўства.
Канстытуцыя была прынята 15 сакавіка 1994 г. на 13-й сесіі Вярхоўнага Савета Рэспублікі Беларусь 12-га склікання і да цяперашняга часу дзейнічала са зменамі і дапаўненнямі, прынятымі на рэспубліканскіх рэферэндумах 24 лістапада 1996 г. і 17 кастрычніка 2004 г.
Сімвалічна, што 15 сакавіка 2022 г., у Дзень Канстытуцыі Рэспублікі Беларусь, уступіла ў сілу рэдакцыя Канстытуцыі з улікам змяненняў, прынятых на рэспубліканскім рэферэндуме, які адбыўся 27 лютага 2022 г.
Згодна з артыкулам 51 Канстытуцыі інтэлектуальная ўласнасць ахоўваецца законам.