Тлумачэнне НЦІУ па пытанні карэкціроўкі пераліку тавараў і паслуг міжнароднай заяўкі на ТЗ па запыце САІУ

Перыядычна Нацыянальны цэнтр інтэлектуальнай уласнасці (НЦІУ) атрымлівае запыты з Сусветнай арганізацыі інтэлектуальнай уласнасці (САІУ) па пераліку тавараў і паслуг міжнароднай заяўкі на рэгістрацыю таварнага знака, у якіх прапануецца паслугу аптовага і рознічнага гандлю таварамі якога-небудзь класа МКТП замяніць паслугай аптовага і рознічнага гандлю з пералікам канкрэтных тавараў.

Даныя запыты могуць тычыцца не толькі гандлю, але і іншых паслуг або тавараў, у найменне якіх уключана спасылка на нумар класа МКТП («гандаль таварамі 29 і 30 класаў», «рамонт інструментаў, уключаных у 09 клас», «тэсціраванне абсталявання, якое адносіцца да 10 класу»).

Такія запыты – частка палітыкі САІУ па «ачыстцы» пералікаў міжнародных рэгістрацый ад любых спасылак як на тавары, названыя ў іншых класах пераліку гэтага ж знака (унутраныя спасылкі), так і на тавары, у рамках гэтага пераліку не названыя (спасылкі на нумары класаў МКТП).

У частцы ўнутраных спасылак палітыка НЦІУ і САІУ адзіная: пералікі не павінны ўтрымліваць указанняў «вышэйпералічаныя», «вышэйпаказаныя» і эквівалентных ім. Гэта робіць пералікі больш пэўнымі, а таксама здымае дадатковыя пытанні ў выпадку частковых саступак знакаў.

Што тычыцца спасылак на нумары класаў МКТП, падыход НЦІУ больш рацыянальны. Па-першае, у гэтым выпадку паслуга называецца пэўным і зразумелым тэрмінам. Па-другое, такая фармулёўка дазваляе забяспечыць максімальны аб'ём аховы (параўнанне з загалоўкам класа, які можа ахопліваць не ўсе тавары класа, і алфавітным пералікам, які па вызначэнні не з'яўляецца вычарпальным, не на карысць гэтых апошніх). Па-трэцяе, эканомяцца матэрыяльныя і працоўныя выдаткі ўсіх задзейнічаных у працэсе рэгістрацыі асоб.

Варта адзначыць, што апошняе слова ў тым, што тычыцца пазначэнняў тавараў, належыць менавіта ведамству паходжання, таму, нават калі задавальняючы САІУ адказ не будзе дадзены, знак будзе зарэгістраваны ў міжнародным рэестры з першапачатковай фармулёўкай і агаворкай, што яна занадта нявызначаная з пункту гледжання САІУ. Заяўнік мае права ўдзельнічаць у працэсе і хадайнічаць аб пакіданні першапачатковай фармулёўкі або аб яе замене фармулёўкай з пералікам тавараў з захаваннем стандартнага патрабавання, каб пералік базавага знака не пашыраўся ў міжнароднай заяўцы.

Больш навін аб інтэлектуальнай уласнасці – у нашых сацсетках (Facebook, Instagram, Telegram).

Фота: Freepik