Аб уступленні ў сілу новай версіі 1.6 стандарту САІУ St.26

У адпаведнасці з рашэннем, прынятым дзяржавамі-членамі Сусветнай арганізацыі інтэлектуальнай уласнасці (САІУ) на дзясятай сесіі Камітэта па стандартах САІУ, якая адбылася ў лістападзе 2022 г., новая версія 1.6 стандарту САІУ St.26 уступае ў сілу 1 ліпеня 2023 г. 

Усе пералікі паслядоўнасцяў, пададзеныя ў нацыянальныя, рэгіянальныя або міжнародныя патэнтныя ведамствы з гэтай даты, павінны адпавядаць фармату стандарту САІУ St.26.

Што тычыцца ўкаранення новай версіі ў адпаведнасці з Дагаворам аб патэнтнай кааперацыі (РСТ), Генеральны дырэктар САІУ прыняў рашэнне аб тым, што новая версія стандарту ўступае ў сілу для міжнародных заявак, пададзеных 1 ліпеня 2023 г. або пасля гэтай даты. 

Пералікі паслядоўнасцяў, прадстаўленыя пасля падачы заявак, пададзеных да 1 ліпеня 2023 г., могуць выкарыстоўваць версію 1.5 або 1.6 стандарту St.26.

Абедзве версіі стандарту St.26, 1.5 і 1.6, даступныя на рускай мове па спасылцы.

Па матэрыялах Распатэнта

Больш навін аб інтэлектуальнай уласнасці – у нашых сацсетках (Facebook, Instagram, Telegram).