НЦІУ павіншаваў Вярхоўны Суд Рэспублікі Беларусь са 100-годдзем

Генеральны дырэктар Нацыянальнага цэнтра інтэлектуальнай уласнасці Уладзімір Рабаволаў ад імя ўсяго калектыву павіншаваў са 100-годдзем Вярхоўны Суд Рэспублікі Беларусь.

У сваім віншаванні генеральны дырэктар адзначыў, што судзейскі корпус уносіць значны ўклад у забеспячэнне непахіснасці прынцыпаў правасуддзя і ўдасканаленне нацыянальнага заканадаўства. Шматгранная і адказная дзейнасць Вярхоўнага Суда спрыяе падтрыманню палітычнай, сацыяльна-эканамічнай і фінансава-крэдытнай стабільнасці ў беларускім грамадстве, фарміраванню адзінай прававой прасторы ў краіне. Вярхоўны Суд абараняе гарантаваныя Канстытуцыяй Рэспублікі Беларусь і іншымі актамі заканадаўства асабістыя правы і свабоды, сацыяльна-эканамічныя і палітычныя правы грамадзян, дзяржаўныя і грамадскія інтарэсы, правы арганізацый і індывідуальных прадпрымальнікаў.

«Мы цэнім адносіны, якія склаліся паміж Нацыянальным цэнтрам інтэлектуальнай уласнасці і Вярхоўным Судом, і разлічваем на далейшае плённае супрацоўніцтва на карысць нашай краіны», – падкрэсліў Уладзімір Рабаволаў.

Больш навін аб інтэлектуальнай уласнасці – у нашых сацсетках (Facebook, Instagram, Telegram).