Пра змены ў Мадрыдскай сістэме міжнароднай рэгістрацыі таварных знакаў

Нацыянальны цэнтр інтэлектуальнай уласнасці прапануе свае тлумачэнні ў сувязі са зменамі ў Мадрыдскай сістэме міжнароднай рэгістрацыі таварных знакаў, якія адбыліся ў лютым бягучага года.

Бланк міжнароднай заяўкі спрошчаны і цяпер уключае адзіную выяву заяўленага абазначэння. Раней такіх выяў магло быць дзве: якая змяшчаецца ў Нацыянальным рэестры і фактычная – для краін, якія не вядуць альбо не вялі рэестр таварных знакаў у колеры (было неактуальна для Рэспублікі Беларусь). У павялічаны квадрат да 20 х 20 см па-ранейшаму варта змяшчаць заяўленае абазначэнне фарматам 8 х 8 см (такое ж, як базавы знак). Зручней стала падаваць на міжнародную рэгістрацыю этыкеткі.

Адбылося і іншае змяненне, наўпрост Рэспубліку Беларусь пакуль не закранае. У рамках Мадрыдскай сістэмы зараз можна рэгістраваць некаторыя знакі, якія не маюць графічнага выканання, а менавіта гукавыя, відэа і мультымедыйныя. Такім чынам, краіны, заканадаўства якіх прадугледжвае рэгістрацыю такіх знакаў, змогуць абменьвацца адпаведнымі заяўкамі і ў рамках міжнароднай працэдуры. Інфармацыю аб відах знакаў, якія ахоўваюцца ў той ці іной краіне, можна запазычыць у спецыяльнай базе Сусветнай арганізацыі інтэлектуальнай уласнасці Member Profile Database.

Больш навін аб інтэлектуальнай уласнасці – у нашых сацсетках (Facebook, Instagram, Telegram).