У НЦІУ падвялі вынікі конкурсу сярод моладзі на лепшую работу ў сферы інтэлектуальнай уласнасці

10 кастрычніка 2023 г. конкурсная камісія Нацыянальнага цэнтра інтэлектуальнай уласнасці падвяла вынікі конкурсу сярод моладзі на лепшую працу ў сферы інтэлектуальнай уласнасці.

Нагадаем, што ў бягучым годзе на конкурс прадстаўлена больш за 50 работ з 18 устаноў адукацыі (17 устаноў вышэйшай адукацыі і 1 сярэдняя спецыяльная). Сярод іх 2 магістарскіх дысертацыі, 13 дыпломных работ, 4 курсавыя работы, 12 артыкулаў і 20 эсэ. У 2022 г. на конкурс паступіла 25 работ, што сведчыць пра рост цікавасці моладзі да інтэлектуальнай уласнасці.

Па рашэнні конкурснай камісіі ўзнагароджанне пераможцаў будзе праводзіцца ў наступных намінацыях:

• «Лепшая магістарская дысертацыя ў сферы інтэлектуальнай уласнасці»;
• «Лепшая дыпломная работа ў сферы інтэлектуальнай уласнасці»:

1. «Аўтарскае права і сумежныя правы».
2. «Інтэлектуальная ўласнасць: агульныя палажэнні».
3. «Прамысловая ўласнасць».
4. «Камерцыялізацыя аб'ектаў інтэлектуальнай уласнасці»;

• «Лепшая курсавая праца ў сферы інтэлектуальнай уласнасці»;
• «Лепшы артыкул у сферы інтэлектуальнай уласнасці»:

1. «Аўтарскае права і сумежныя правы».
2. «Інтэлектуальная ўласнасць: агульныя палажэнні»;

• «Лепшае эсэ ў сферы інтэлектуальнай уласнасці»:

1. «Аўтарскае права і сумежныя правы».
2. «Абарона аб'ектаў інтэлектуальнай уласнасці».
3. «Інтэлектуальная ўласнасць: агульныя палажэнні».
4. «Эканамічныя аспекты інтэлектуальнай уласнасці».

Узнагароджанне пераможцаў запланавана ў рамках III Міжнароднай навукова-практычнай канферэнцыі «Інтэлектуальная ўласнасць у сучасным свеце: выклікі часу і перспектывы развіцця» (18-19 кастрычніка 2023 г.).

Больш падрабязна пра конкурс можна даведацца па спасылцы.

Больш навін аб інтэлектуальнай уласнасці – у нашых сацсетках (Facebook, Instagram, Telegram).

Фота: Алена Варапай