VI Рэспубліканская алімпіяда «Інтэлектуальная ўласнасць – аснова бізнесу»

Міжнародны інстытут кіравання і прадпрымальніцтва сумесна з Рэспубліканскай навукова-тэхнічнай бібліятэкай і таварыствам з дадатковай адказнасцю «Лекспатэнт» праводзіць VI Рэспубліканскую алімпіяду «Інтэлектуальная ўласнасць – аснова бізнесу». Мерапрыемства накіравана на прыцягненне ўвагі моладзі да пытанняў аховы вынікаў інтэлектуальнай працы.

Да ўдзелу ў алімпіядзе запрашаюцца навучэнцы ўстаноў агульнай сярэдняй, прафесійна-тэхнічнай і сярэдняй спецыяльнай адукацыі. Акадэмічнае спаборніцтва пройдзе ў два этапы і завершыцца 22-23 красавіка 2024 г.

На першым этапе (да 10 красавіка 2024 г.) навучэнцы выканаюць творчую працу на тэму «Інтэлектуальная ўласнасць у загадках», якая прадстаўляе сабой падрыхтоўку загадак па інтэлектуальнай уласнасці, аформленую ў выглядзе аўтарскага твора.

Лепшыя творчыя работы будуць апублікаваны ў зборніку «Інтэлектуальная ўласнасць у загадках», выданне якога запланавана на кастрычнік 2024 г.

У рамках другога этапу канкурсанты прымуць удзел у віктарыне «Адгадваем загадкі па інтэлектуальнай уласнасці» і ў інтэрактыўнай гульні «Лабірынт загадак».

Пераможцы ўзнагароджваюцца дыпломамі I-III ступені і каштоўнымі прызамі.

Больш падрабязна даведацца пра мерапрыемства можна па спасылцы.

Больш навін аб інтэлектуальнай уласнасці – у нашых сацсетках (Facebook, Instagram, Telegram).