Юбілейны патэнт атрымаў калектыў расійскіх хімікаў, якія распрацавалі новае лякарства для лячэння віруса імунадэфіцыту чалавека (ВІЧ).
Прапанаваны лекавы сродак у камбінацыі з ламівудзінам на стадыі клінічных выпрабаванняў дэманструе пэўнае павышэнне эфектыўнасці лячэння за кошт зніжэння віруснай нагрузкі ў пацыентаў пры выкарыстанні зніжаных доз актыўных рэчываў. Вынаходства расійскіх хімікаў грунтуецца на выкарыстанні новай камбінацыі лекавых сродкаў, якая змяшчае амоніевую соль 5'-амінакарбанілфасфанат-3'-азіда-3'-дэзоксітімідзіна з ламівудзінам або эмтрыцытабінам.
Дзякуючы сінергетычнаму эфекту, які праяўляецца дадзенай камбінацыяй лекавых сродкаў у ходзе II стадыі клінічных выпрабаванняў, аўтары вынаходства спадзяюцца павысіць прыхільнасць пацыентаў да лячэння і ў канчатковым рахунку дабіцца большага эфекту ад хіміятэрапіі ВІЧ-інфекцыі.
Міжнародныя перспектывы новага лякарства аптымістычныя – у Еўразійскае патэнтнае ведамства заяўка прыйшла па працэдуры PCT. Гэта азначае, што аўтары патэнтуюць сваё вынаходства па міжнароднай працэдуры з абаронай сваіх інтарэсаў на рынках, якія іх цікавяць, у тым ліку рынках усяго еўразійскага рэгіёну.
Па матэрыялах ЕАПА
Больш навін аб інтэлектуальнай уласнасці – у нашых сацсетках (Facebook, Instagram, Telegram).
Фота: eapo.org/