На ўдзел у Рэспубліканскім конкурсе інавацыйных праектаў пададзена 168 заявак

Завяршыўся прыём заявак на ўдзел у Рэспубліканскім конкурсе інавацыйных праектаў 2023 г. (далей – конкурс). Конкурс праводзіцца Дзяржаўным камітэтам па навуцы і тэхналогіях Рэспублікі Беларусь пры ўдзеле Міністэрства адукацыі, Нацыянальнай акадэміі навук Беларусі, БРСМ, Беларускага інавацыйнага фонду.

На намінацыі «Лепшы інавацыйны праект» пададзена 72 работы, «Лепшы маладзёжны інавацыйны праект» – 96. У конкурсе прымаюць удзел прадстаўнікі навучальных устаноў, тэхнапаркаў, цэнтраў трансферу тэхналогій, навукова-практычных цэнтраў і арганізацый.

Па выніках экспертызы будуць адабраны 40 праектаў-фіналістаў, аўтары якіх выступяць з прэзентацыямі на фінальным пасяджэнні савета конкурсу.

У кожнай намінацыі будзе вызначаны адзін пераможца і пяць прызёраў, з іх два ўдзельнікі, якія занялі другое месца, і тры – якія занялі трэцяе месца. Пераможцы атрымаюць грашовыя прызы, а таксама ім будзе аказана падтрымка ў распрацоўцы бізнес-планаў.

Больш падрабязна пра конкурс можна даведацца па спасылцы.

Па матэрыялах ДКНТ

Больш навін аб інтэлектуальнай уласнасці – у нашых сацсетках (Facebook, Instagram, Telegram).

Фота: gknt.gov.by/