САІУ праводзіць фотаконкурс
8 июня 2023
Цікавае
Адкрыты прыём заявак для ўдзелу ў штогадовым фотаконкурсе Сусветнай арганізацыі інтэлектуальнай уласнасці (САІУ) для моладзі з ліку карэнных народаў і мясцовых суполак на тэму «Традыцыйнае адзенне як адлюстраванне роднай культуры».
Мэта мерапрыемства – заахвочванне творчага патэнцыялу маладых прадстаўнікоў карэнных народаў і мясцовых суполак, а таксама папулярызацыя іх работ па ўсім свеце.
Для ўдзелу ў фотаконкурсе неабходна падрыхтаваць фотарэпартаж, які будзе адлюстроўваць нацыянальныя традыцыі, звычаі, культурную спадчыну і жыццё карэнных народаў і мясцовых абшчын. Удзельнікі змогуць паказаць сваё творчае бачанне і ўнікальны погляд на навакольны свет.
Фотаконкурс САІУ таксама дапаможа ўдзельнікам разабрацца ў пытаннях аўтарскага права і аховы сваіх творчых работ. Гэта магчымасць не толькі паказаць сваё майстэрства, але і прыцягнуць увагу да нацыянальнай культуры і традыцый свайго народа, а таксама атрымаць каштоўныя веды аб тым, як ахова традыцыйных выразаў культуры звязана з інтэлектуальнымі правамі.
Даведацца больш падрабязную інфармацыю аб фотаконкурсе і падаць заяўку на ўдзел можна па спасылцы.
Па матэрыялах САІУ
Больш навін аб інтэлектуальнай уласнасці – у нашых сацсетках (Facebook, Instagram, Telegram).
Фота: wipo.int/