Савет маладых вучоных НЦІУ прэзентаваў вынікі сваёй дзейнасці ў Распатэнце

Прадстаўнікі Савета маладых вучоных Нацыянальнага цэнтра інтэлектуальнай уласнасці (СМВ, НЦІУ) прынялі ўдзел у XXVII Міжнароднай навукова-практычнай канферэнцыі Распатэнта «Інтэлектуальная уласнасць для дзяржавы і грамадства».

У рамках візіту ў Федэральную службу інтэлектуальнай уласнасці (Распатэнт) СМВ правёў прэзентацыю, у якой прадставіў сваю дзейнасць і вынікі інфармацыйна-асветніцкіх і адукацыйных праектаў у галіне інтэлектуальнай уласнасці.

Акрамя ўдзелу ў канферэнцыі, прадстаўнікі СМВ наведалі Агульнарасійскую грамадскую арганізацыю «Расійскае Аўтарскае Таварыства» (РАТ) з мэтай азнаямлення з іх дзейнасцю ў галіне калектыўнага кіравання маёмаснымі правамі аўтараў і іншых праваўладальнікаў. У ходзе візіту таксама абмяркоўваліся перспектывы далейшага двухбаковага супрацоўніцтва, рэалізацыі сумесных праектаў і абмену вопытам у галіне аўтарскага і сумежных правоў.

Таксама прадстаўнікі СМВ азнаёміліся з асноўнымі напрамкамі дзейнасці ТАА «Цэнтр інтэлектуальнай уласнасці «Сколкава». Акрамя прадастаўлення прававой аховы інтэлектуальнай уласнасці, Цэнтр ажыццяўляе абарону персанальных дадзеных, прадастаўляе паслугі па суправаджэнні камерцыйных здзелак, патэнтаванню як у Расіі, так і за мяжой, а таксама праводзіць патэнтныя пошукі і будуе патэнтныя ландшафты.

Больш навін аб інтэлектуальнай уласнасці – у нашых сацсетках (Facebook, Instagram, Telegram).

Фота: НЦІУ