Вебінар САІУ «Сістэма PCT: пераход на нацыянальную фазу»

16 лістапада 2023 г. у 10.00 адбудзецца бясплатны рэгіянальны вебінар Сусветнай арганізацыі інтэлектуальнай уласнасці (САІУ) для групы краін Цэнтральнай Азіі, Каўказа і Усходняй Еўропы «Сістэма PCT: пераход на нацыянальную фазу».

У цэнтры ўвагі вебінара:

• якія рашэнні павінен прыняць заяўнік па пераходзе на нацыянальную фазу;
• якое часовае абмежаванне існуе для такога пераходу;
• якія тыпы аховы падаюцца ў адпаведных ведамствах;
• якія дзеянні неабходна здзейсніць для пераходу на нацыянальную фазу;
• якія дакументы неабходна прадставіць у ведамства пры пераходзе на нацыянальную фазу;
• якія пошліны неабходна выплаціць пры пераходзе на нацыянальную фазу;
• якія дзеянні неабходна здзейсніць, каб пачалася экспертыза па сутнасці;
• якія магчымасці паскарэння справаводства па заяўцы на нацыянальнай фазе;
• якія магчымасці аднаўлення тэрмінаў пераходу на нацыянальную фазу.

У працы вебінара будуць удзельнічаць прадстаўнікі Еўразійскага патэнтнага ведамства і нацыянальных патэнтных ведамстваў, якія раскажуць пра асаблівасці пераходу на нацыянальную/рэгіянальную фазу гэтых ведамстваў.

Дадзенае мерапрыемства пройдзе на рускай мове. Пасля вебінара будзе магчымасць задаць пытанні спецыялістам.

Інфармацыю аб рэгістрацыі можна знайсці па спасылцы.

Па матэрыялах САІУ

Больш навін аб інтэлектуальнай уласнасці – у нашых сацсетках (Facebook, Instagram, Telegram).

Фота: wipo.int/