У НЦІУ паступіла першая камерцыйная прапанова на аб'ект аўтарскага права для размяшчэння на Біржы ІУ

На Біржы інтэлектуальнай уласнасці НЦІУ (Біржа ІУ) размешчана першая камерцыйная прапанова на аб'ект аўтарскага права, зарэгістраваны ў НЦІУ. ААТ «ЦНИИТУ» прадставіла камп'ютарную праграму «Віртуальная выстава прадпрыемстваў» .

Дадзеная камп'ютарная праграма ўяўляе сабой шматфункцыянальную інтэрактыўную 3D-платформу, на якой прамысловыя прадпрыемствы Рэспублікі Беларусь могуць дэманстраваць сваю прадукцыю і тэхналогіі вытворчасці. Экспазіцыя складаецца з пяці тэматычных павільёнаў. Каманда праекта дапаможа ў стварэнні рэалістычных інтэрактыўных 3D-мадэляў для максімальна падрабязнага азнаямлення з вашай прадукцыяй, унікальных выставачных стэндаў з улікам вашых пажаданняў і афармленні страніцы прадпрыемства ў карпаратыўным стылі.

Дзякуючы магчымасці правядзення круглых сталоў, семінараў і канферэнцый у анлайн-фармаце на платформе, прадпрыемствы і іх дзелавыя партнёры могуць быць звязаныя наўпрост, незалежна ад месцазнаходжання ў краіне і за мяжой.

Даведка:
Біржа ІУ НЦІУ дае магчымасць усім зацікаўленым азнаёміцца з камерцыйнымі прапановамі праваўладальнікаў на аб'екты права прамысловай уласнасці, якія ім належаць, для магчымага далейшага ліцэнзавання, саступкі і іншых формаў камерцыялізацыі.

У цяперашні час на Біржы ІУ зарэгістравана больш за 760 камерцыйных прапаноў на аб'екты права прамысловай уласнасці, а таксама з'явілася унікальная магчымасць размясціць камерцыйныя прапановы ў дачыненні аб'ектаў аўтарскага права, у тым ліку на камп'ютарныя праграмы, зарэгістраваныя ў НЦІУ.

Азнаёміцца з іншымі камерцыйнымі прапановамі на аб'екты права прамысловай уласнасці можна па спасылцы.

Больш навін аб інтэлектуальнай уласнасці – у нашых сацсетках (Facebook, Instagram, Telegram).