Пытанне: На якой прававой падставе НЦІУ апрацоўвае персанальныя дадзеныя заяўнікаў і трэціх асоб (аўтараў, праваўладальнікаў) пры ажыццяўленні паслугі па добраахвотнай рэгістрацыі і дэпанаванні аб'ектаў аўтарскага права і сумежных правоў?

Адказ: У адпаведнасці з часткай першай пункта 3 артыкула 4 Закона Рэспублікі Беларусь ад 7 мая 2021 г. № 99-З «Аб абароне персанальных даных» апрацоўка персанальных даных ажыццяўляецца са згоды суб'екта персанальных даных, за выключэннем выпадкаў, прадугледжаных Законам Рэспублікі Беларусь «Аб абароне персанальных даных» і іншымі заканадаўчымі актамі.

НЦІУ аказвае паслугу па добраахвотнай рэгістрацыі і дэпанаванні аб'ектаў аўтарскага права і сумежных правоў на падставе дагавора платнага аказання паслуг. Адпаведна НЦІУ ажыццяўляе апрацоўку персанальных дадзеных у дачыненні да заяўніка на падставе абзаца пятнаццатага артыкула 6 Закона Рэспублікі Беларусь «Аб абароне персанальных даных». 

Аднак на практыцы часта заяўнікам з'яўляецца не аўтар твора, а іншы праваўладальнік, адпаведна, апрацоўка персанальных дадзеных трэціх асоб, якія не з'яўляюцца бокам па дамове, на гэтай прававой падставе ажыццяўляцца не можа. 

У адпаведнасці з абзацам трэцім часткі першай пункта 1 артыкула 15 Закона Рэспублікі Беларусь ад 17 мая 2011 г. № 262-З «Аб аўтарскім праве і сумежных правах» аўтару ў дачыненні да яго твора належыць права на імя. Гэта значыць права ўказваць імя пры кожным выкарыстанні яго твора. 

Адпаведна, НЦІУ будзе апрацоўваць персанальныя даныя іншых аўтараў і (або) праваўладальнікаў на падставе абзаца дваццатага артыкула 6 Закона Рэспублікі Беларусь «Аб абароне персанальных даных» без згоды суб'екта персанальных даных.

08.2023
Падрыхтавала: Т.Л. Свідзінская (Вядучы спецыяліст інфармацыйна-аналітычнага аддзела НЦІУ)