Часопіс «ИС в Беларуси»
Навукова-практычны часопіс «Інтэлектуальная ўласнасць у Беларусі» выходзіць са снежня 1998 г. чатыры разы ў год і рассылаецца ў вядучыя бібліятэкі, навукова-даследчыя інстытуты і іншыя ўстановы Беларусі. Яго заснавальнікамі з’яўляюцца Дзяржаўны камітэт па навуцы і тэхналогіях Рэспублікі Беларусь і Нацыянальны цэнтр інтэлектуальнай уласнасці.
«Інтэлектуальная ўласнасць у Беларусі» – гэта адзінае ў рэспубліцы выданне, якое адлюстроўвае дзяржаўную палітыку ў сферы аховы і кіравання прамысловай уласнасцю, аўтарскага права і сумежных правоў.
Загадам Вышэйшай атэстацыйнай камісіі Рэспублікі Беларусь з 2007 г. часопіс «Інтэлектуальная ўласнасць у Беларусі» уключаны ў Пералік навуковых выданняў для апублікавання вынікаў дысертацыйных даследаванняў па эканамічным і юрыдычным навукам у сферы інтэлектуальнай уласнасці.
Рэдакцыя навукова-практычнага часопіса «Інтэлектуальная ўласнасць у Беларусі» запрашае да супрацоўніцтва аўтараў (прафесарска-выкладчыцкі склад, аспірантаў і магістрантаў вышэйшых навучальных устаноў, навуковых і практычных супрацоўнікаў Рэспублікі Беларусь і замежных краін) для напісання і апублікавання навуковых артыкулаў. Акрамя таго, для апублікавання ў часопісе прымаюцца работы пераможцаў конкурсу сярод моладзі на лепшую работу ў сферы інтэлектуальнай уласнасці.
Пасведчанне аб рэгістрацыі СМІ – № 1203 ад 08.02.2010 г.
Падпісны індэкс у каталогах «Белпошта»: 009212 (ведамстваў.); 00921 (індывід.)
Артыкулы прымаюцца да публікацыі ў рэдакцыі часопіса па адрасе:
220034, г. Мінск, вул. Казлова, 20.
Тел.: +375 (17) 272 94 87.
E-mail: isbelarus@mail.ru
