Камерцыялізацыю інтэлектуальнай уласнасці ў аграбізнесе абмяркуюць на «БЕЛАГРА»

14 мая 2026

Падзеі

4 чэрвеня 2026 г. у рамках 36-й міжнароднай спецыялізаванай выставы «БЕЛАГРА» адбудзецца навукова-практычны семінар «Прававая ахова і камерцыялізацыя вынікаў інтэлектуальнай дзейнасці».

Арганізатарамі выступаюць Дзяржаўны камітэт па навуцы і тэхналогіях Рэспублікі Беларусь і Нацыянальны цэнтр інтэлектуальнай уласнасці (НЦІУ).

У праграме семінара:

• роля прамысловай уласнасці ў стымуляванні інавацыйнай актыўнасці аграрных прадпрыемстваў;
• ахова аб'ектаў аўтарскага права як фактар забеспячэння інавацыйнага развіцця прадпрыемстваў аграпрамысловага комплексу;
• аналіз эфектыўнасці механізмаў процідзеяння абароту кантрафактнай прадукцыі ў сферы сельскай гаспадаркі;
• геаграфічныя ўказанні як сродак прасоўвання беларускіх брэндаў;
• пошукавыя рэсурсы Міжнароднага саюза па ахове новых сартоў раслін (УПОВ): магчымасці для беларускіх селекцыянераў;
• умацаванне нацыянальнай харчовай бяспекі Рэспублікі Беларусь на аснове выкарыстання вынікаў інтэлектуальнай дзейнасці.

У рабоце семінара прымуць удзел вядучыя эксперты НЦІУ, Нацыянальнай акадэміі навук Беларусі, Харчовай і сельскагаспадарчай арганізацыі Аб'яднаных Нацый, Дзяржаўнай інспекцыі па выпрабаванні і ахове сартоў раслін, Беларускага дзяржаўнага аграрнага тэхнічнага ўніверсітэта, ТДА «Лекспатент».

Таксама на мерапрыемстве кожны ўдзельнік зможа задаць сваё пытанне ў рамках адкрытага мікрафона.

Зарэгістравацца для ўдзелу можна па спасылцы.

Больш навін аб інтэлектуальнай уласнасці – у нашых сацсетках (Facebook, Instagram, Telegram, VK).