28 лютага 2024 г. на базе юрыдычнага факультэта Беларускага дзяржаўнага ўніверсітэта (БДУ) адбылося пасяджэнне Студэнцкага навуковага гуртка «Сучасная цывілістыка».
Ад Нацыянальнага цэнтра інтэлектуальнай уласнасці (НЦІУ) у мерапрыемстве прынялі ўдзел спецыялісты аддзела садзейнічання камерцыялізацыі ўпраўлення садзейнічання камерцыялізацыі і дзяржаўных рэестраў Паліна Кацуба і Вольга Рудзькова.
Пасяджэнне было прысвечана праблематыцы прававога рэгулявання дагавора франчайзінгу. Удзельнікі разгледзелі асноўныя палажэнні, якія тычацца названага тыпу дагавораў, і прадставілі аналіз змяненняў у Грамадзянскі кодэкс Рэспублікі Беларусь, якія ўступяць у сілу ў канцы 2024 г. Таксама спецыялісты НЦІУ распавялі аб працэдуры рэгістрацыі і асноўных памылках, якія дапускаюць асобы пры падачы заяўкі на рэгістрацыю дагавора франчайзінгу.
Больш навін аб інтэлектуальнай уласнасці – у нашых сацсетках (Facebook, Instagram, Telegram).