Адбудзецца семінар «Развіццё сеткі ЦПТІ ў Беларусі. Значэнне геаграфічных указанняў для абароны нацыянальных брэндаў»

29 чэрвеня 2022 г. у рамках праграмы IX Форуму рэгіёнаў Беларусі і Расіі ў г. Гродна адбудзецца семінар «Развіццё сеткі Цэнтраў падтрымкі тэхналогій і інавацый у Беларусі. Значэнне геаграфічных указанняў для абароны нацыянальных брэндаў».

Арганізатарамі мерапрыемства выступяць Нацыянальны цэнтр інтэлектуальнай уласнасці і Гродзенскі дзяржаўны ўніверсітэт ім. Янкі Купалы.

У ходзе семінара будуць разгледжаны пытанні падтрымкі інавацый і развіцця сеткі Цэнтраў падтрымкі тэхналогій і інавацый (ЦПТІ) у Рэспубліцы Беларусь, функцыянавання лічбавых платформаў і інструментаў Сусветнай арганізацыі інтэлектуальнай уласнасці ў рамках ЦПТІ, віды асноўных і дадатковых паслуг, якія прадстаўляюцца ЦПТІ, тэхналогіі пошуку з дапамогай розных рэестраў, а таксама ліцэнзавання і перадачы тэхналогій на базе ЦПТІ.

Другі блок семінара будзе прысвечаны не менш значнай тэматыцы – прававой ахове геаграфічных указанняў і іх значэнню для абароны нацыянальных брэндаў. Атрымліваючы права карыстання геаграфічным указаннем, беларускі вытворца не толькі пацвярджае арыгінальнасць свайго тавару і яго якасць, але і спрыяе фарміраванню станоўчага іміджу свайго рэгіёна, горада, вёскі і краіны ў цэлым.

Акрамя таго, у рамках мерапрыемства будуць падпісаныя пагадненні аб адкрыцці кропак ЦПТІ ў Гродзенскім дзяржаўным універсітэце ім. Янкі Купалы і Гродзенскім дзяржаўным аграрным універсітэце.
Зарэгістравацца для ўдзелу і азнаёміцца з праграмай мерапрыемства можна па спасылцы.