НЦІУ узнагароджаны дыпломам па выніках выставы «Беларусь інтэлектуальная»

2 февраля 2023

Падзеі

20-21 студзеня 2023 г. у Нацыянальным выставачным цэнтры «БелЭкспа» прайшла выстава навукова-тэхнічных дасягненняў «Беларусь інтэлектуальная».

У рамках калектыўнага стэнда Дзяржаўнага камітэта па навуцы і тэхналогіях супрацоўнікі Нацыянальнага цэнтра інтэлектуальнай уласнасці (НЦІУ) прадэманстравалі наведвальнікам выставы працу аўтаматызаванай інфармацыйнай сістэмы «Інтэрнэт-партал для электроннай падачы заявак на аб'екты прамысловай уласнасці», правялі бясплатныя вусныя кансультацыі па пытаннях агульнага і даведачнага характару. Акрамя таго, кожны наведвальнік меў магчымасць прыняць удзел у віктарыне «Ці ведаеш ты ІУ?» і ў залежнасці ад набраных балаў атрымаць спецыяльны прыз – зніжку на навучанне ў НЦІУ.

Па выніках выставы НЦІУ узнагароджаны дыпломам за ўдзел ад імя Старшыні Прэзідыума Нацыянальнай акадэміі навук Беларусі Уладзіміра Гусакова.

Больш навін аб інтэлектуальнай уласнасці – у нашых сацсетках (Facebook, Instagram, Telegram).


Фота: НЦІУ