Віншаванне ад імя Урада Рэспублікі Беларусь

Паважаныя вынаходнікі і рацыяналізатары!

Ад імя Урада Рэспублікі Беларусь віншую вас з прафесійным святам – Днём вынаходніка і рацыяналізатара.

Беларуская зямля заўсёды славілася таленавітымі людзьмі, смелымі наватарамі, выдатнымі вучонымі і вынаходнікамі. Сваёй творчасцю яны ўпісалі нямала важных старонак у гісторыю Айчыны, натхнялі будучыя пакаленні на стваральную працу і дасягненне высокіх мэтаў.

Шмат у чым дзякуючы вашым яркім ідэям стала магчымым у кароткія тэрміны ў перыяд найноўшай гісторыі Рэспублікі Беларусь дасягнуць істотных рэзультатаў у мадэрнізацыі прамысловасці, стварыць «з нуля» новыя высокатэхналагічныя сектары эканомікі ў сферы інфармацыйных тэхналогій, касмічнай галіны, біятэхналогій, забяспечыць харчовую бяспеку, высокую якасць і даступнасць аховы здароўя.

Сёння беларускай навуцы адводзіцца ключавая роля ў пабудове лічбавай эканомікі, забеспячэнні тэхналагічнага суверэнітэту краіны.

Вашы ініцыятывы асабліва запатрабаваныя ў рэалізацыі праектаў імпартазамяшчэння, павышэнні якасці і канкурэнтаздольнасці айчыннай прадукцыі, стварэнні інавацыйных вытворчасцяў.

Перакананы, што вашы новыя ідэі, прафесійнае майстэрства і бязмежная адданасць сваёй справе будуць і надалей спрыяць прагрэсіўнаму развіццю эканомікі, павышэнню якасці жыцця беларускіх грамадзян і аўтарытэту нашай дзяржавы на міжнароднай арэне.

Жадаю вам яркіх адкрыццяў, натхнення і поспехаў у рэалізацыі творчых ідэй на карысць роднай Беларусі.

Моцнага здароўя, шчасця і дабрабыту вам, вашым родным і блізкім.

Адзначым, што свята вынаходнікаў і рацыяналізатараў адзначаецца ў Рэспубліцы Беларусь штогод у апошнюю суботу чэрвеня. Сёлета святочная дата выпала на 25 чэрвеня.

Нацыянальны цэнтр інтэлектуальнай уласнасці таксама далучаецца да віншаванняў.