У Беларусі пабудуюць Рэспубліканскі цэнтр патрыятычнага выхавання моладзі

14 сентября 2023

Афіцыйна

Напярэдадні Дня народнага адзінства, які адзначаецца штогод 17 верасня, Прэзідэнтам Рэспублікі Беларусь А. Р. Лукашэнкам падтрымана ініцыятыва стварэння ўнікальнага аб'екта – Рэспубліканскага цэнтра патрыятычнага выхавання моладзі (Цэнтр) у знакавым гістарычным месцы – на базе Кобрынскага ўмацавання Брэсцкай крэпасці.

Даведка:
У адпаведнасці з Указам Прэзідэнта Рэспублікі Беларусь ад 7 чэрвеня 2021 г. № 206 у Рэспубліцы Беларусь заснавана дзяржаўнае свята – Дзень народнага адзінства (17 верасня).

Гэты дзень стаў актам гістарычнай справядлівасці ў дачыненні да беларускага народа, падзеленага супраць яго волі ў 1921 г. па ўмовах Рыжскага мірнага дагавора, і назаўжды замацаваўся ў нацыянальнай гістарычнай традыцыі.

Сёння беларускі народ адзіны ў выбары стратэгічнага курсу на развіццё моцнай, суверэннай і квітнеючай краіны. Устанаўленне Дня народнага адзінства 17 верасня падкрэслівае пераемнасць пакаленняў, непахіснасць і самадастатковасць беларускай нацыі і дзяржаўнасці.

Цэнтру прысвоены статус Усебеларускай маладзёжнай будоўлі. Першую чаргу плануюць завяршыць у 2025 г. – у год 80-годдзя Перамогі.

Асабісты ўклад у фінансаванне будаўніцтва можа зрабіць кожны жыхар Беларусі, далучыўшыся да збору сродкаў на Цэнтр ў Брэсцкай крэпасці.

Па матэрыялах ЕАПА

Больш навін аб інтэлектуальнай уласнасці – у нашых сацсетках (Facebook, Instagram, Telegram).