31 мая адзначаецца Дзень хіміка

29 мая 2026

Цікавае

Штогод у апошнюю нядзелю мая ў Беларусі адзначаецца Дзень хіміка. Гэты дзень святкуюць работнікі хімічнай і нафтахімічнай прамысловасці, студэнты, аспіранты і выкладчыкі профільных устаноў адукацыі. Выпускнікі хімічных факультэтаў працуюць у даследчых лабараторыях або лабараторыях кантролю якасці пры хімічных, нафтахімічных, фармацэўтычных кампаніях, заводах па ачыстцы вады, тэхнолагамі на вытворчасці.

Хімічная і нафтахімічная прамысловасць – адна з самых значных і сучасных галін эканомікі краіны. Прадукцыя вельмі разнастайная: ад мінеральных угнаенняў да бытавой хіміі, ад новых відаў тканін да касметыкі. Дзякуючы пастаяннаму ўкараненню інавацый беларуская хімія паспяхова прадстаўлена на ўнутраным рынку і за мяжой.

За перыяд з 2021 па 2025 г. нацыянальнымі заяўнікамі было пададзена каля 300 заявак на выдачу патэнта Рэспублікі Беларусь на вынаходства або карысную мадэль, якія адносяцца да вобласці хіміі.

Віншуем з прафесійным святам! Жадаем моцнага здароўя, аптымізму, бяспечных умоў працы, шчасця і дабрабыту!

Больш навін аб інтэлектуальнай уласнасці – у нашых сацсетках (Facebook, Instagram, Telegram, VK).