Пілотная праграма ЕАПВ па пашыраным інфармацыйным пошуку і ацэнцы патэнтаздольнасці вынаходстваў
19 сентября 2023
Цікавае
У мэтах пашырэння экспертнага ўзаемадзеяння паміж Еўразійскім патэнтным ведамствам (ЕАПВ) і вядучымі навуковымі і адукацыйнымі арганізацыямі дзяржаў-удзельніц Еўразійскай патэнтнай канвенцыі ЕАПВ распрацавала і зацвердзіла Пілотную праграму пашыранага інфармацыйнага пошуку і ацэнкі патэнтаздольнасці вынаходстваў (далей – Пілотная праграма).
Асноўная задача пілотнай праграмы – павышэнне якасці выдаваемых еўразійскіх патэнтаў і іх надзейнасці за кошт прыцягнення да працэсу пошуку і экспертызы вузкапрофільных спецыялістаў у тых галінах навукі і тэхнікі, у якіх пацверджана высокая кампетэнцыя адпаведных арганізацый.
Таксама Пілотная праграма будзе садзейнічаць развіццю нацыянальных сістэм прававой аховы інтэлектуальнай уласнасці у дзяржавах-удзельніцах Еўразійскай патэнтнай канвенцыі за кошт пашырэння колькасці навуковых работнікаў, якія маюць вопыт правядзення пошуку і экспертызы вынаходстваў у адпаведнасці з сучаснымі стандартамі і практыкамі ў гэтай галіне.
ЕАПВ вызначыла наступныя прыярытэтныя вобласці навуковай кампетэнцыі навуковых і адукацыйных арганізацый, у якіх будзе адбывацца акрэдытацыя такіх арганізацый: хімія, медыцына, біятэхналогіі, IT-тэхналогіі, суперкамп'ютарныя тэхналогіі, касмічныя тэхналогіі.
Падрабязная інфармацыя аб умовах Пілотнай праграмы размешчана па спасылцы.
Па матэрыялах ЕАПА
Больш навін аб інтэлектуальнай уласнасці – у нашых сацсетках (Facebook, Instagram, Telegram).
Фота: eapo.org/