У ЕАПВ выдадзены еўразійскі патэнт № 44000

Юбілейны еўразійскі патэнт выдадзены распрацоўшчыкам з Кітайскай Народнай Рэспублікі (КНР). Кампанія Beijing Ai-Robotics Technology Co., Ltd. зарэгістравала рэгулюемую па даўжыні канструкцыю ніжняй канечнасці і робат-экзаскелет з яе выкарыстаннем.

Распрацоўка пратэзістаў з КНР, абароненая еўразійскім патэнтам, вырашае адразу дзве існуючыя праблемы ў галіне прылад для пацыентаў з парушэннямі функцый ніжніх канечнасцяў. Раней вырабленыя аналагі альбо мелі жорстка фіксаваную даўжыню, што рабіла іх трывалымі, але не дазваляла выкарыстоўваць для пацыентаў рознага росту, альбо пратэзы мелі тэлескапічныя вузлы ў шкоду трываласці вырабу.

У мадэлі пратэза кампаніі Beijing Ai-Robotics Technology Co., Ltd. рэалізавана ўласная тэхналогія сучлянення вузлоў і штыфтоў розных аддзелаў ніжняй канечнасці (сцягна, галёнкі, калена) і рухомых суставаў. Перасоўвацца і кантраляваць рухі пацыенту дапамагае робат-экзаскелет, які з'яўляецца неад'емнай часткай канструкцыі.

Як сцвярджаюць распрацоўшчыкі, сакрэт тэхнічнага рашэння ў тым, што за кошт зрушэння сцегнавога штыфта ад лініі, якая злучае цэнтры вузла прывада тазасцегнавага і вузла прывада каленнага сустава, яго фактычная даўжыня можа быць адрэгулявана толькі за кошт рэгулявання становішча вузла каленнага сустава. Магчымасць змены даўжыні з дапамогай толькі аднаго рэгулятара робіць канструкцыю значна больш трывалай. Пры гэтым, як адзначаюць прадстаўнікі кампаніі, абароненая еўразійскім патэнтам прылада можа быць лёгка мадыфікаваная пад патрэбы пацыента або методыку лячэння.

З падрабязнасцямі канструкцыі можна азнаёміцца ў апісанні да патэнта.

Па матэрыялах ЕАПВ

Больш навін аб інтэлектуальнай уласнасці – у нашых сацсетках (Facebook, Instagram, Telegram).