У Мінску пройдзе Фестываль навукі – 2026

7 августа 2026

Цікавае

З 5 па 6 верасня 2026 г. у Цэнтральным батанічным садзе Мінска пройдзе Фестываль навукі – 2026 – адна са значных падзей у сферы навукі і тэхналогій у Беларусі. Арганізатарам выступае Нацыянальная акадэмія навук Беларусі.

На працягу двух дзён госці змогуць прыняць удзел у самых розных мерапрыемствах, уключаючы выступленні вядучых вучоных з навукова-папулярнымі лекцыямі, практычныя майстар-класы, захапляльныя шоу і інтэрактыўныя эксперыменты, выставы дасягненняў розных галін навукі, а таксама інтэлектуальныя конкурсы і спаборніцтвы.

На фестывалі Нацыянальны цэнтр інтэлектуальнай уласнасці прапануе гасцям серыю інтэрактыўных заданняў і гульняў. Удзельнікі змогуць праверыць сваё ўменне распазнаваць арыгінал і падробку, вызначаць, які твор створаны чалавекам, а які – ШІ, а таксама згуляць у настольную гульню, дзе гульцам трэба будзе даказаць, што менавіта іх распрацоўка выратуе чалавецтва. Пераможцы атрымаюць памятныя прызы.

Фестываль навукі ўжо восьмы раз стане ключавой пляцоўкай для зносін паміж навукоўцамі і шырокай аўдыторыяй, тым самым забяспечваючы доступ да сучаснай навуковай інфармацыі і даследаванняў. Мерапрыемства праводзіцца пры падтрымцы.

Больш падрабязна пра мерапрыемства – па спасылцы.

Больш навін аб інтэлектуальнай уласнасці – у нашых сацсетках (Facebook, Instagram, Telegram, VK).