Аб Цэнтры

Аб Нацыянальным цэнтры інтэлектуальнай уласнасці

Стварэнне Дзяржаўнага патэнтнага ведамства пры Савеце Міністраў Рэспублікі Беларусь у красавіку 1992 г. стала асновай для фарміравання шматфункцыянальнай і збалансаванай інфраструктуры, якая спрыяе бесперапыннаму ўмацаванню інтэлектуальнага патэнцыялу і заахвочванню вынаходніцкай актыўнасці ў Рэспубліцы Беларусь.

За 30-гадовы перыяд Нацыянальны цэнтр інтэлектуальнай уласнасці дасягнуў вялікіх вынікаў у стварэнні сучаснай і эфектыўнай сістэмы абароны вынікаў інтэлектуальнай дзейнасці, іх камерцыялізацыі і кіраванні адпаведнымі правамі на іх.

Актыўнае выкарыстанне сістэмы інтэлектуальнай уласнасці беларускімі распрацоўшчыкамі ўмацавала нацыянальны брэнд Рэспублікі Беларусь і забяспечыла яго ахову і абарону як на нацыянальным рынку, так і за мяжой.

НЦІУ сёння – гэта:

Патэнтнае ведамства Рэспублікі Беларусь. Нацыянальны цэнтр інтэлектуальнай уласнасці з'яўляецца ключавой установай у Рэспубліцы, адказнай за забеспячэнне абароны правоў на аб'екты прамысловай уласнасці.

Арганізацыя па калектыўным кіраванні маёмаснымі правамі аўтараў і іншых праваўладальнікаў.

Цэнтр нарматворчай дзейнасці ў сферы інтэлектуальнай уласнасці. Установа з'яўляецца цэнтрам заканадаўчай работы, накіраванай на вызначэнне і ўдасканаленне прававых рамак у галіне інтэлектуальнай уласнасці. Ужо больш за 30 гадоў НЦІУ актыўна ўдзельнічае ў падрыхтоўцы значнай колькасці праектаў прававых актаў, спрыяючы высокаму ўзроўню адпаведнасці дзеючага заканадаўства ў сферы інтэлектуальнай уласнасці сусветным стандартам.

Орган дасудовага ўрэгулявання спрэчак у сферы інтэлектуальнай уласнасці. Указаная дзейнасць у ведамстве ажыццяўляецца з 1995 г. Стварэнне Апеляцыйнага савета пры патэнтным органе прадаставіла заяўнікам магчымасць дасудовага вырашэння спрэчак, звязаных з вынікамі экспертызы аб'ектаў права прамысловай уласнасці, а таксама прызнання ахоўных дакументаў несапраўднымі. У цяперашні час гэты механізм з'яўляецца надзвычай эфектыўным. У 2021 г. ніводнае рашэнне Апеляцыйнага савета не было адменена Вярхоўным Судом Рэспублікі Беларусь, пацвярджаючы яго высокую дзейснасць і аўтарытэтнасць.

Адукацыйная ўстанова. З 1992 г. перад Дзяржаўным патэнтным ведамствам была пастаўлена задача аб стварэнні адукацыйнага асяроддзя з мэтай прасоўвання базавых і паглыбленых ведаў у сферы інтэлектуальнай уласнасці. Пачынаючы з 2007 г., у структуры НЦІУ дзейнічаў навучальны цэнтр інтэлектуальнай уласнасці. У цяперашні час адукацыйныя функцыі ажыццяўляе кіраванне навукова-адукацыйнай і выдавецкай дзейнасцю.

Цэнтр прасоўвання ведаў і папулярызацыі інтэлектуальнай уласнасці. НЦІУ з'яўляецца рэдакцыяй навукова-практычнага часопіса «Інтэлектуальная ўласнасць у Беларусі». Часопіс выпускаецца з 1998 г. Праводзіцца актыўная работа па папулярызацыі ведаў у сферы інтэлектуальнай уласнасці – канферэнцыі, семінары, круглыя сталы, конкурс сярод моладзі на лепшую працу ў сферы ІУ, конкурс у сферы вынаходніцтва «Лепшы патэнт Беларусі» і інш., вядуцца інфармацыйныя рэсурсы НЦІУ (сайт і акаўнты ў сацыяльных сетках).

Цэнтр міжнароднага супрацоўніцтва ў сферы інтэлектуальнай уласнасці. НЦІУ праводзіць дзясяткі міжнародных мерапрыемстваў: Летняя школа САІУ, штогадовая міжнародная навукова-практычная канферэнцыя «Інтэлектуальная ўласнасць у сучасным свеце: выклікі часу і перспектывы развіцця», Міжнародны конкурс «адкрываючы свет інтэлектуальнай уласнасці», розныя міжнародныя адукацыйныя семінары пры падтрымцы Сусветнай арганізацыі інтэлектуальнай уласнасці, рэалізацыя праекта па развіцці сеткі Цэнтраў падтрымкі тэхналогій і інавацый (ЦПТІ) і інш.

Цэнтр прадастаўлення дадатковых пасрэдніцкіх паслуг у сферы інтэлектуальнай уласнасці. Ведамства дапамагае грамадзянам і арганізацыям рэалізоўваць іх правы ў сферы інтэлектуальнай уласнасці, падаючы разнастайныя дадатковыя паслугі. З 2022 г. НЦІУ аказвае паслугі па добраахвотнай рэгістрацыі і дэпаніраванню аб'ектаў аўтарскага права і сумежных правоў.

Вядучая навуковая арганізацыя ў галіне даследаванняў у сферы інтэлектуальнай уласнасці ў Рэспубліцы Беларусь. Атрымаўшы дзяржаўную акрэдытацыю як навуковая арганізацыя у 2019 г., даследаванні НЦІУ атрымалі новы ўзровень. Распрацоўка і ўкараненне вынікаў навукова-даследчых работ з'яўляецца значным крокам у развіцці заканадаўства і інфраструктуры інтэлектуальнай уласнасці. Эфектыўнасць гэтых намаганняў знаходзіцца на вельмі высокім узроўні, робячы НЦІУ месцам, дзе навуковыя пошукі зліваюцца з практычным прымяненнем.

Суб'ект інавацыйнай інфраструктуры. Гарантыя паспяховага кіравання інтэлектуальным рэсурсам краіны заключаецца ў забеспячэнні інфраструктуры сістэмы інтэлектуальнай уласнасці Беларусі. Дзейнасць гэтых суб'ектаў накіравана на рашэнне шырокага спектру задач у галіне аховы, кіравання і абароны інтэлектуальнай уласнасці.

Аб'яднаўшы ў рамках сваёй дзейнасці пытанні калектыўнага кіравання, рэгістрацыі і камерцыялізацыі аб'ектаў прамысловай уласнасці, прафесійнага навучання і навуковай дзейнасці, Нацыянальны цэнтр інтэлектуальнай уласнасці імкнецца стварыць інфраструктуру, якая адпавядае сусветным стандартам і сучасным тэндэнцыям, забяспечваючы комплексны падыход у рэалізацыі патэнцыялу сферы інтэлектуальнай уласнасці.