Пытанне: На якой прававой падставе НЦІУ будзе апрацоўваць персанальныя дадзеныя заяўнікаў пры рэгістрацыі дамоваў на аб'екты права прамысловай уласнасці?

Адказ:  У адпаведнасці з часткай першай пункта 3 артыкула 4 Закона Рэспублікі Беларусь ад 7 мая 2021 г. № 99-З «Аб абароне персанальных дадзеных» (далей – Закон аб абароне персанальных дадзеных) апрацоўка персанальных дадзеных ажыццяўляецца са згоды суб'екта персанальных дадзеных, за выключэннем выпадкаў, прадугледжаных Законам аб абароне персанальных дадзеных» і іншымі заканадаўчымі актамі.

Пунктам 2 артыкула 20 Закона Рэспублікі Беларусь ад 28 кастрычніка 2008 г. № 433-З «Аб асновах адміністрацыйных працэдур» прадугледжана, што збор, апрацоўка, захоўванне, выкарыстанне персанальных дадзеных грамадзян пры ажыццяўленні адміністрацыйных працэдур ажыццяўляюцца без іх пісьмовай згоды з выкананнем патрабаванняў, вызначаных заканадаўчымі актамі, па абароне інфармацыі, распаўсюджванне і (або) прадастаўленне якой абмежавана.

У адпаведнасці з падпунктам 20.2 пункта 20 адзінага пераліку адміністрацыйных працэдур, якія ажыццяўляюцца ў адносінах да суб'ектаў гаспадарання, зацверджанага пастановай Савета Міністраў Рэспублікі Беларусь ад 24 верасня 2021 г. № 548, рэгістрацыя ліцэнзійных дагавораў, дагавораў уступкі і дагавораў залогу правоў на аб'екты інтэлектуальнай уласнасці Рэспублікі Беларусь, дагавораў прадпрымальніцкай ліцэнзіі (франчайзінгу), унясенне змянення (выпраўлення) у Дзяржаўны рэестр ліцэнзійных дагавораў, дагавораў уступкі і дагавораў залогу правоў на аб'екты інтэлектуальнай уласнасці Рэспублікі Беларусь, Дзяржаўны рэестр дагавораў комплекснай прадпрымальніцкай ліцэнзіі (франчайзінгу) Рэспублікі Беларусь адносяцца да адміністрацыйных працэдур, якія ажыццяўляюцца у адносінах да суб'ектаў гаспадарання.

Адпаведна, НЦІУ будзе апрацоўваць персанальныя дадзеныя заяўнікаў на падставе абзаца дваццаць першага артыкула 6 Закона аб абароне персанальных дадзеных.

08.2023
Падрыхтавала: Т.Л. Свідзінская (Вядучы спецыяліст інфармацыйна-аналітычнага аддзела НЦІУ)