Пытанне: Ці мае права НЦІУ апрацоўваць персанальныя дадзеныя аўтараў і іншых праваўладальнікаў пры прадстаўленні ў судзе іх інтарэсаў без атрымання іх згоды на апрацоўку персанальных дадзеных?

Адказ: У адпаведнасці з часткай першай пункта 3 артыкула 4 Закона Рэспублікі Беларусь ад 7 мая 2021 г. № 99-З  «Аб абароне персанальных даных» апрацоўка персанальных даных ажыццяўляецца са згоды суб'екта персанальных даных, за выключэннем выпадкаў, прадугледжаных Законам Рэспублікі Беларусь  «Аб абароне персанальных даных» і іншымі заканадаўчымі актамі.

НЦІУ ў адпаведнасці з атрыманай дзяржаўнай акрэдытацыяй у якасці арганізацыі па калектыўным кіраванні маёмаснымі правамі (далей - калектыўнае кіраванне) ажыццяўляе на тэрыторыі Рэспублікі Беларусь калектыўнае кіраванне аўтараў і іншых праваўладальнікаў у выпадках, калі іх цяжка ажыццявіць у індывідуальным парадку.

У адпаведнасці з абзацам пятым пункта 1 артыкула 49 Закона Рэспублікі Беларусь ад 17 мая 2011 г. № 262-З  «Аб аўтарскім праве і сумежных правах» адной з функцый арганізацыі па калектыўным кіраванні маёмаснымі правамі з'яўляецца прадстаўленне ў судзе ў адпаведнасці з заканадаўствам інтарэсаў аўтараў. ці іншых праваўладальнікаў, правамі якіх яна кіруе, а таксама здзяйсненне іншых юрыдычных дзеянняў, неабходных для абароны правоў аўтараў ці іншых праваўладальнікаў.

Адпаведна, НЦІУ будзе апрацоўваць персанальныя даныя іншых аўтараў і (або) праваўладальнікаў на падставе абзаца дваццатага артыкула 6 Закона Рэспублікі Беларусь «Аб абароне персанальных даных» без згоды суб'екта персанальных даных.

08.2023
Падрыхтавала: Т.Л. Свідзінская (Вядучы спецыяліст інфармацыйна-аналітычнага аддзела НЦІУ)