Міжнародны семінар па пытаннях ацэнкі кошту аб'ектаў ІУ і пастаноўкі іх на бухгалтарскі ўлік прайшоў у Мінску

14 снежня 2023 г. прайшоў Міжнародны семінар па пытаннях ацэнкі кошту аб'ектаў інтэлектуальнай уласнасці і пастаноўкі іх на бухгалтарскі ўлік.

Арганізатарамі семінара выступілі Дзяржаўны камітэт па навуцы і тэхналогіях Рэспублікі Беларусь і Нацыянальны цэнтр інтэлектуальнай уласнасці пры падтрымцы Рэспубліканскай навукова-тэхнічнай бібліятэкі.

У працы семінара прынялі ўдзел вядучыя эксперты ў галіне інтэлектуальнай уласнасці, прадстаўнікі ключавых ВНУ краіны, патэнтныя павераныя і ацэншчыкі з Беларусі і Расіі.

Сярод слухачоў – прадстаўнікі навуковай і вытворчай сфер, бізнес-супольнасці краіны (усяго больш за 100 слухачоў).

У рамках семінара разгледжаны наступныя пытанні:

• перспектывы развіцця заканадаўства аб ацэначнай дзейнасці ў Рэспубліцы Беларусь;
• стан рынку паслуг па незалежнай ацэнцы кошту аб'ектаў інтэлектуальнай уласнасці;
• камерцыялізацыя аб'ектаў інтэлектуальнай уласнасці і іх уплыў на кошт актываў прадпрыемства;
• вызначэнне кошту аб'ектаў інтэлектуальнай уласнасці пры перадачы правоў па дамове комплекснай прадпрымальніцкай ліцэнзіі (франчайзінгу);
• інвентарызацыя і пастаноўка на ўлік аб'ектаў інтэлектуальнай уласнасці ў якасці нематэрыяльных актываў;
• адлюстраванне і прызнанне выдаткаў на навукова-даследчыя і доследна-канструктарскія работы ў бухгалтарскім уліку.

Акрамя гэтага, адбылася цырымонія падпісання пагаднення аб адкрыцці чарговага, ужо 30-га цэнтра падтрымкі тэхналогій і інавацый, які будзе функцыянаваць на базе Асацыяцыі франчайзераў і франчайзі «Белфранчайзінг».

Пасля завяршэння семінара слухачам выдадзены сертыфікат аб удзеле.

Больш навін аб інтэлектуальнай уласнасці – у нашых сацсетках (Facebook, Instagram, Telegram).

Фота: Лэйла Андрыеўская, Алена Васіленка