IV Міжнародная навукова-практычная канферэнцыя «Аўтар/AUTHOR – 2024»

18-19 красавіка 2024 г. пройдзе IV Міжнародная навукова-практычная канферэнцыя «АЎТАР/AUTHOR – 2024». Тэма канферэнцыі – «Аўтарства ў эпоху інтэграцыі».

Арганізатарамі форуму выступаюць: Федэральная служба па інтэлектуальнай уласнасці, Федэральны інстытут прамысловай уласнасці, Еўразійская патэнтная арганізацыя, Міжнародны навукова-адукацыйны цэнтр «Кафедра ЮНЕСКА па аўтарскім праве, сумежных, культурных і інфармацыйных правах» Нацыянальнага даследчага ўніверсітэта «Вышэйшая школа эканомікі», Расійская дзяржаўная акадэмія інтэлектуальнай уласнасці.

Канферэнцыя традыцыйна прымеркавана да Міжнароднага дня кнігі і аўтарскага права (23 красавіка), абвешчанага ЮНЕСКА, і Міжнароднага дня інтэлектуальнай уласнасці (26 красавіка), абвешчанага САІУ.

Да ўдзелу запрашаюцца прадстаўнікі профільных міністэрстваў і ведамстваў, парламенцкіх камітэтаў і камісій, Суда па інтэлектуальных правах, творчых саюзаў, патэнтных ведамстваў, таварыстваў па калектыўным кіраванні правамі, а таксама прававеды, патэнтныя павераныя, адвакаты, вынаходнікі, грамадскія дзеячы, юрысты-практыкі, студэнты, аспіранты і выкладчыкі расійскіх і замежных універсітэтаў, навуковыя супрацоўнікі даследчых цэнтраў з Расіі і замежных краін.

Фармат канферэнцыі: гібрыдны (вочна і анлайн). Рабочыя мовы: руская, англійская. Удзел у канферэнцыі бясплатны. Заяўкі на ўдзел у якасці дакладчыкаў прымаюцца да 25 сакавіка 2024 г., у якасці слухачоў – да 12 красавіка 2024 г.

З падрабязнай інфармацыяй можна азнаёміцца па спасылцы.

Па матэрыялах ЕАПА

Больш навін аб інтэлектуальнай уласнасці – у нашых сацсетках (Facebook, Instagram, Telegram).

Фота: eapo.org/