Міжнародны семінар па Мадрыдскай і Лісабонскай сістэмам прайшоў у Мінску

22 лістапада 2023 г. у Мінску адбыўся міжнародны семінар «Міжнародная рэгістрацыя таварных знакаў, геаграфічных указанняў і найменняў месцаў паходжання тавараў: Мадрыдская і Лісабонская сістэмы».

Арганізатарамі семінара выступілі Дзяржаўны камітэт па навуцы і тэхналогіях Рэспублікі Беларусь, Нацыянальны цэнтр інтэлектуальнай уласнасці (НЦІУ) і Сусветная арганізацыя інтэлектуальнай уласнасці (САІУ) пры падтрымцы Рэспубліканскай навукова-тэхнічнай бібліятэкі.

Слухачамі мерапрыемства сталі прадстаўнікі больш за 50 арганізацый і прадпрыемстваў – усяго больш за 100 удзельнікаў як вочна, так і анлайн.

Вядучыя эксперты НЦІУ, САІУ, Федэральнага інстытута прамысловай уласнасці (Расійская Федэрацыя), эксперты ў галіне міжнародных таварных знакаў, патэнтныя павераныя Рэспублікі Беларусь і Расійскай Федэрацыі распавялі аб пытаннях прававой аховы таварных знакаў за мяжой, экспертызы і судовай практыкі ў дачыненні да нетрадыцыйных таварных знакаў, падзяліліся вопытам стварэння рэгіянальных брэндаў для павышэння эканамічнай і інвестыцыйнай прывабнасці рэгіёнаў Беларусі, супрацоўніцтва ў рамках САІУ і іншых міжнародных арганізацый.

Асаблівую цікавасць удзельнікаў семінара выклікаў практычны вопыт далучэння Расійскай Федэрацыі да Лісабонскай сістэмы – міжнароднай сістэмы рэгістрацыі найменняў месцаў.

Завяршыўся семінар уручэннем сертыфікатаў, якія пацвярджаюць удзел у навучанні ў рамках праграмы мерапрыемства.

Больш навін аб інтэлектуальнай уласнасці – у нашых сацсетках (Facebook, Instagram, Telegram).

Фота: Алена Васіленка