Адбудзецца прэзентацыя Глабальнага інавацыйнага індэкса

29 верасня 2022 г. з 13:30 да 16:15 па жэнеўскім часе адбудзецца прэзентацыя 15-га выдання Глабальнага інавацыйнага індэкса (ГІІ-2022) Сусветнай арганізацыі інтэлектуальнай уласнасці (САІУ). Яна пройдзе з удзелам міністраў, прадстаўнікоў бізнесу і спецыялістаў у галіне інавацый. У ходзе мерапрыемства будуць абвешчаныя асноўныя высновы ГІІ-2022 і адбудуцца дзве тэматычныя дыскусіі.

Прэзентацыя пройдзе ў гібрыдным фармаце ў канферэнц-зале САІУ ў штаб-кватэры арганізацыі ў Жэневе. Прамая трансляцыя прэзентацыі з сінхронным перакладам на арабскую, іспанскую, кітайскую, рускую і французскую мовы будзе весціся на вэб-сайце САІУ.

Больш падрабязна азнаёміцца з інфармацыяй аб мерапрыемстве можна па спасылцы.