Беларусь і Экватарыяльная Гвінея будуць актыўна развіваць супрацоўніцтва ў навукова-тэхнічнай сферы

Урадавая дэлегацыя Беларусі наведала з афіцыйным візітам Экватарыяльную Гвінею, дзе ў сталіцы Малаба адбыліся галіновыя перамовы, узгадненні дакументаў двухбаковага супрацоўніцтва і шэраг іншых мерапрыемстваў.

Сярод іх – першае пасяджэнне сумеснай беларуска-экватагвінейскай рабочай групы па супрацоўніцтве ў гэтай сферы. Мерапрыемства прайшло пад кіраўніцтвам намесніка Старшыні Дзяржаўнага камітэта па навуцы і тэхналогіях Рэспублікі Беларусь (ДКНТ) Таццяны Сталяровай і Генеральнага сакратара Міністэрства транспарту, пошты і новых інфармацыйных і камунікацыйных тэхналогій Экватарыяльнай Гвінеі Хуана Карласа Абія Бітэа Рока.

«Хацелася б падкрэсліць паступальнае развіццё адносін паміж нашымі краінамі. Прайшло крыху больш за два месяцы з часу афіцыйнага візіту Прэзідэнта Экватарыяльнай Гвінеі ў Беларусь, а за гэты перыяд бакамі ўжо падпісаны пакет двухбаковых дакументаў, накіраваных на развіццё адносін па шырокім спектры напрамкаў – ад эканомікі да гуманітарнай сферы, уключаючы міжурадавае рамачнае пагадненне аб эканамічным, гандлёвым, культурным, навуковым і тэхнічным супрацоўніцтве.

Адбыўся візіт у Беларусь міністра замежных спраў, міжнароднага супрацоўніцтва і дыяспары Экватарыяльнай Гвінеі. Праведзена першае пасяджэнне сумеснай міжурадавай камісіі па гандлёва-эканамічным супрацоўніцтве Беларусі і Экватарыяльнай Гвінеі, мэтай якога было наданне імпульсу ўзаемаадносінам і ўвасабленне ў рэальнасць двухбаковых дамоўленасцей. Сяброўскія адносіны дзвюх дзяржаў мацнеюць дзякуючы палітычнай волі лідараў краін», – адзначыла Таццяна Сталярова.

Больш падрабязна на афіцыйным сайце ДКНТ па спасылцы. 

Па матэрыялах ДКНТ

Больш навін – у нашых сацсетках (Facebook, Instagram, Telegram).