Кіраўнік ДКНТ прыняў удзел у семінары «Развіццё сеткі ЦПТІ ў Беларусі. Значэнне геаграфічных указанняў для абароны нацыянальных брэндаў»

Старшыня Дзяржаўнага камітэта па навуцы і тэхналогіях Рэспублікі Беларусь (ДКНТ) Сяргей Шлычкоў выступіў з прывітальным словам да ўдзельнікаў семінара «Развіццё сеткі цэнтраў падтрымкі тэхналогій і інавацый у Беларусі. Значэнне геаграфічных указанняў для абароны нацыянальных брэндаў», які прайшоў 29 чэрвеня ў Гродне.

У сваім выступе С. Шлычков адзначыў, што ва ўсім свеце растуць сацыяльныя чаканні і спажывецкі попыт на харчовую і сельскагаспадарчую прадукцыю з асаблівым знакам якасці, які паказвае на месца, традыцыі і асаблівасці яе вытворчасці.

«Кожны рэгіён нашай краіны багаты на прадукцыю з унікальнымі характарыстыкамі, якія патэнцыйна маглі б быць зарэгістраваныя ў якасці аб'ектаў інтэлектуальнай уласнасці, – падкрэсліў кіраўнік ведамства. – Атрымліваючы права карыстання геаграфічным указаннем, беларускі вытворца не толькі пацвярджае арыгінальнасць свайго тавару і яго якасць, але і спрыяе фармаванню станоўчага іміджа свайго рэгіёну, горада, вёскі і краіны ў цэлым».