Кодэкс аб інтэлектуальнай уласнасці: неабходнасць стварэння і карысць для беларусаў

У прэс-цэнтры БЕЛТА адбыўся круглы стол на тэму «Кадыфікацыя заканадаўства аб інтэлектуальнай уласнасці: даніна модзе ці аб'ектыўная неабходнасць».

У мерапрыемстве прынялі ўдзел генеральны дырэктар Нацыянальнага цэнтра інтэлектуальнай уласнасці (НЦІУ) Уладзімір Рабаволаў, намеснік генеральнага дырэктара НЦІУ Аляксандр Заяц, спецыяліст аддзела заканадаўства ў сферы аўтарскага і сумежных правоў упраўлення прававога і кадравага забеспячэння, член Савета маладых навукоўцаў НЦІУ Вікторыя Шадрына, дацэнт кафедры грамадзянскага права Беларускага дзяржаўнага ўніверсітэта Дыяна Іванова, вядучы навуковы супрацоўнік аддзела даследаванняў у галіне грамадзянскага, экалагічнага і сацыяльнага права Інстытута прававых даследаванняў Нацыянальнага цэнтра заканадаўства і прававых даследаванняў Рэспублікі Беларусь Сяргей Лосеў.

Ідэя стварэння асобнага кодэкса ў сферы інтэлектуальнай уласнасці (ІУ) узнімалася яшчэ ў адпаведнай стратэгіі Рэспублікі Беларусь на 2012-2020 гг., калі ў плане першачарговых мерапрыемстваў была пастаўлена задача разгледзець пытанне аб кадыфікацыі заканадаўства ў гэтай галіне. У нядаўна прынятай Стратэгіі Рэспублікі Беларусь у сферы ІУ да 2030 г. сістэматызацыя заканадаўства вызначана адным з прыярытэтных напрамкаў развіцця.

Дзяржаўнаму камітэту па навуцы і тэхналогіях і НЦІУ сумесна з зацікаўленымі органамі загадана выпрацаваць навукова абгрунтаваныя прапановы па кадыфікацыі заканадаўства. Да 2024 г. плануецца распрацаваць праект канцэпцыі Кодэкса аб інтэлектуальнай уласнасці.

Адказы на абмяркоўваемыя пытанні можна даведацца па спасылцы.

Па матэрыялах БЕЛТА