У Гродзенскім філіяле РНТБ прайшоў Дзень патэнта

Навучэнцы Гродзенскага дзяржаўнага палітэхнічнага каледжа азнаёміліся з функцыянаваннем Цэнтра падтрымкі тэхналогій і інавацый (ЦПТІ) на базе Гродзенскага філіяла Рэспубліканскай навукова-тэхнічнай бібліятэкі (РНТБ), дзе аказваюць кансультацыйную дапамогу агульнага і даведачнага характару ў галіне інтэлектуальнай уласнасці. Увагу прыцягнула таксама літаратура па тэорыі вырашэння вынаходніцкіх задач.

Асаблівую цікавасць у будучых спецыялістаў выклікалі патэнтныя базы дадзеных, якія даюць магчымасць усім жадаючым правесці пошук вынаходстваў і праверыць сваю распрацоўку на патэнтную чысціню.

Даведка.
Стварэнне сеткі ЦПТІ – міжнародны праект, ініцыяваны Сусветнай арганізацыяй інтэлектуальнай уласнасці (САІУ) у 2009 г. з мэтай садзейнічання нарошчванню інавацыйнага патэнцыялу краін і рэгіёнаў праз забеспячэнне інфармацыйнай і навукова-метадычнай падтрымкі карыстальнікам паслуг ЦПТІ ў сферы навуковай, навукова-тэхнічнай і інавацыйнай дзейнасці.

Праект стварэння і развіцця сеткі ЦПТІ ў Рэспубліцы Беларусь рэалізуецца ў адпаведнасці з пагадненнем паміж Нацыянальным цэнтрам інтэлектуальнай уласнасці і САІУ ад 10 кастрычніка 2016 г.

Па матэрыялах РНТБ

Больш навін аб інтэлектуальнай уласнасці – у нашых сацсетках (Facebook, Instagram, Telegram).