Уладзімір Рабаволаў: «Супрацоўніцтва ЕАПВ і НЦІУ ў сферы інфармацыйных тэхналогій выходзіць на якасна новы ўзровень»

20 верасня 2023 г. адбыўся візіт прадстаўнікоў Еўразійскага патэнтнага ведамства (ЕАПВ) у Нацыянальны цэнтр інтэлектуальнай уласнасці (НЦІУ).

У мерапрыемстве прынялі ўдзел начальнік упраўлення інфармацыйных тэхналогій ЕАПВ Дзяніс Застаўны, начальнік аддзела інфармацыйнай бяспекі ЕАПВ Андрэй Агеенка, намеснік генеральнага дырэктара НЦІУ Аляксандр Заяц і супрацоўнікі НЦІУ. Рабочую сустрэчу адкрыў генеральны дырэктар НЦІУ Уладзімір Рабаволаў, які адзначыў высокую ступень эфектыўнасці ўзаемадзеяння ЕАПВ і НЦІУ.

Мэтай візіту стала вывучэнне асаблівасцяў тэхнічнай рэалізацыі сістэм вядзення справаводства ў НЦІУ па заяўках на выдачу ахоўных дакументаў па розных аб'ектах інтэлектуальнай уласнасці.

У рамках мерапрыемства Д. Застаўны і А. Агеенка прадставілі вопыт і тэхналогіі ЕАПВ, звязаныя са стварэннем і вядзеннем адкрытых рэестраў еўразійскіх патэнтаў, адкрытых рэсурсаў з патэнтнай інфармацыяй, а таксама прыёмам і апрацоўкай лічбавых 3D-мадэляў у складзе заявак на выдачу патэнтаў.

Прадстаўнікі ЕАПВ азнаёміліся з існуючай лічбавай інфраструктурай НЦІУ. Удзельнікі сустрэчы вызначылі далейшыя крокі па развіцці двухбаковага супрацоўніцтва ў галіне інфармацыйных тэхналогій.

Больш навін аб інтэлектуальнай уласнасці – у нашых сацсетках (Facebook, Instagram, Telegram).