Апублікавана пастанова ДКНТ «Аб устанаўленні формаў патэнтаў (пасведчанняў) на аб'екты права прамысловай уласнасці»

На Нацыянальным прававым Інтэрнэт-партале Рэспублікі Беларусь апублікавана пастанова Дзяржаўнага камітэта па навуцы і тэхналогіях Рэспублікі Беларусь (ДКНТ) ад 5 верасня 2023 г. № 6 «Аб устанаўленні формаў патэнтаў (пасведчанняў) на аб'екты права прамысловай уласнасці».

Пастановай устанаўліваюцца формы патэнта на вынаходства, карысную мадэль, прамысловы ўзор, гатунак расліны, а таксама пасведчання на тапалогію інтэгральнай мікрасхемы, таварны знак і знак абслугоўвання, аб праве карыстання геаграфічным указаннем.

З уступленнем у сілу пастановы ад 5 верасня 2023 г. № 6 страчваюць сілу пастановы ДКНТ «Аб пасведчанні на таварны знак» ад 12 студзеня 2010 г. № 2 і «Аб пасведчанні аб праве карыстання геаграфічным указаннем» ад 20 ліпеня 2020 г. № 7.

Пастанова ўступае ў сілу 13 лістапада 2023 г.

Больш навін аб інтэлектуальнай уласнасці – у нашых сацсетках (Facebook, Instagram, Telegram).