Кіраўніцтва НЦІУ прыме ўдзел у XXVI Міжнароднай навукова-практычнай канферэнцыі Распатэнта

29 верасня 2022 г. Федэральная служба па інтэлектуальнай уласнасці (Распатэнт) правяла XXVI Міжнародную навукова-практычную канферэнцыю «Інтэлектуальная ўласнасць як базавая ўмова забеспячэння тэхналагічнага суверэнітэту Расіі».

У ходзе канферэнцыі прайшла сустрэча першага намесніка генеральнага дырэктара Нацыянальнага цэнтра інтэлектуальнай уласнасці (НЦІУ) Аляксея Курмана і генеральнага дырэктара Усерасійскага таварыства вынаходнікаў і рацыяналізатараў Антона Ішчанкі, у рамках якой абмеркавалі пытанні супрацоўніцтва Беларусі і Расіі ў сферы садзейнічання вынаходніцтву і рацыяналізатарству.

Акрамя таго, у ходзе мерапрыемства А. Курман уручыў дыпломы НЦІУ ўдзельнікам ХVIII Міжнароднага салона вынаходстваў і новых тэхналогій «Новы час».

У прыватнасці, за ўклад у развіццё вынаходніцтва і наватарства ўзнагароджана Усерасійскае таварыства вынаходнікаў і рацыяналізатараў у асобе генеральнага дырэктара Антона Ішчанкі; за вынаходніцтва «Прылада аўтаблакіроўкі з танальнымі рэйкавымі ланцугамі і цэнтралізаваным размяшчэннем абсталявання» узнагароджаны Навукова-даследчы і праектна-канструктарскі інстытут інфарматызацыі, аўтаматызацыі і сувязі на чыгуначным транспарце.