Міжнародная навукова-практычная канферэнцыя, прымеркаваная 30 годдзю патэнтнага ведамства Таджыкістана

6 чэрвеня 2023 г. у дзяржаўнай установе «Нацыянальны патэнтна-інфармацыйны цэнтр» Міністэрства эканамічнага развіцця і гандлю Рэспублікі Таджыкістан пачала працу Міжнародная навукова-практычная канферэнцыя «Інтэлектуальная ўласнасць у XXI стагоддзі: тэндэнцыі і дасягненні. 30 гадоў інтэлектуальнай уласнасці Таджыкістана» з удзелам шырокага кола кіраўнікоў і прадстаўнікоў патэнтных ведамстваў замежных краін, міністэрстваў і ведамстваў, устаноў вышэйшай прафесійнай адукацыі, вынаходнікаў і рацыяналізатараў.

Ад Рэспублікі Беларусь у мерапрыемстве прымае ўдзел намеснік генеральнага дырэктара Нацыянальнага цэнтра інтэлектуальнай уласнасці (НЦІУ) Аляксандр Заяц.

У рамках работы секцыі 3 канферэнцыі (Сучасныя практыкі патэнтных ведамстваў) намеснік генеральнага дырэктара НЦІУ выступіў з дакладам на тэму «Трансфармацыя патэнтнага ведамства як аб'ектыўная неабходнасць на сучасным этапе». Таксама Аляксандр Заяц агучыў віншаванне ад асобы генеральнага дырэктара НЦІУ Уладзіміра Рабаволава ў адрас калектыву дзяржаўнай установы «Нацыянальны патэнтна-інфармацыйны цэнтр» Міністэрства эканамічнага развіцця і гандлю Рэспублікі Таджыкістан з нагоды святкавання 30-годдзя з дня ўтварэння ведамства: «Мінулыя трыццаць гадоў адкрылі вам новыя магчымасці ў сферы аховы і кіравання інтэлектуальнай уласнасцю, якія дазволілі пабудаваць трывалы падмурак набыцця, прымнажэння, захавання і справядлівага размеркавання нацыянальнага дабрабыту – вынікаў інтэлектуальнай працы жыхароў Таджыкістана».

Больш навін аб інтэлектуальнай уласнасці – у нашых сацсетках (Facebook, Instagram, Telegram).

Фота: ДУ "Нацыянальны патэнтна-інфармацыйны цэнтр" Міністэрства эканамічнага развіцця і гандлю Рэспублікі Таджыкістан