Нацыянальны дзіцячы тэхнапарк абвясціў набор на чэрвеньскую адукацыйную змену

Ва ўстанове адукацыі «Нацыянальны дзіцячы тэхнапарк» стартаваў прыём заявак на чэрвеньскую адукацыйную змену, якая пройдзе з 5 па 28 чэрвеня 2024 г. Да ўдзелу запрашаюцца навучэнцы 9-11 класаў.

Адбор будзе праводзіцца ў два этапы. Для ўдзелу ў першым этапе адбору неабходна накіраваць заяўку і праект (у фармаце PDF) альбо заяўку і дакументы, якія пацвярджаюць перамогі і (або) удзел у міжнародных і (або) рэспубліканскіх адукацыйных мерапрыемствах, на сайт па 11 сакавіка 2024 г.

З падрабязнай інфармацыяй аб змене і адукацыйных кірунках можна азнаёміцца па спасылцы.

Даведка:
Адукацыйныя змены – адзін з асноўных напрамкаў дзейнасці Нацыянальнага дзіцячага тэхнапарка, у рамках якога навучэнцам прапануецца бясплатна прайсці навучанне па выбраным адукацыйным кірунку.

Заняткі праводзяць выкладчыкі вядучых устаноў вышэйшай адукацыі краіны на базе навуковых лабараторый, аснашчаных сучасным абсталяваннем.

Навучэнцы, якія паспяхова асвоілі адукацыйную праграму ў дзённай і дыстанцыйнай формах, могуць атрымаць рэкамендацыю наглядальнага савета тэхнапарка да залічэння ва ўстановы вышэйшай адукацыі без уступных выпрабаванняў пры паступленні на спецыяльнасці профіляў адукацыі «Тэхніка і тэхналогіі» і «Прыродазнаўчыя навукі», а таксама ў ліцэі для асваення зместу адукацыйнай праграмы сярэдняй адукацыі з вывучэннем асобных вучэбных прадметаў, модуляў на павышаным узроўні ў рамках арганізацыі профільнага навучання.

Па матэрыялах Нацыянальнага дзіцячага парку

Больш навін аб інтэлектуальнай уласнасці – у нашых сацсетках (Facebook, Instagram, Telegram).