15 верасня – Дзень бібліятэк Рэспублікі Беларусь

Штогод 15 верасня ў Беларусі адзначаецца Дзень бібліятэк – свята кожнага, чыё жыццё звязана з кнігамі, ведамі і асветай. Сёння бібліятэкі развіваюцца разам з усім астатнім светам, даўно перастаўшы быць толькі месцам захоўвання і выдачы кніг. Менавіта бібліятэкі захоўваюць гістарычную памяць, спрыяюць адукацыі, навуковым пошукам і духоўнаму развіццю. Ва ўмовах лічбавай эпохі яны паспяхова асвойваюць новыя тэхналогіі, падаючы доступ да электронных рэсурсаў і анлайн-сэрвісаў.

Асаблівае месца ў бібліятэчнай сістэме Беларусі займае Рэспубліканская навукова-тэхнічная бібліятэка (РНТБ) – найбуйнейшы спецыялізаваны інфармацыйны цэнтр у галіне навукі і тэхнікі. Тут сканцэнтраваны звыш 59 млн выданняў, патэнтных дакументаў, прамысловых каталогаў, тэхнічных нарматыўных прававых актаў, неабходных для развіцця інавацый і правядзення навуковых даследаванняў. Штогод паслугамі РНТБ карыстаюцца звыш паўмільёна чытачоў, а таксама больш за 2 тысячы прадпрыемстваў і арганізацый.

Віншуем работнікаў бібліятэк і ўсіх аматараў кніг са святам! Жадаем новых адкрыццяў і займальных літаратурных падарожжаў!

Больш навін аб інтэлектуальнай уласнасці – у нашых сацсетках (Instagram, Telegram).