20 верасня – Дзень мытніка ў Беларусі

20 верасня ў Рэспубліцы Беларусь традыцыйна адзначаецца прафесійнае свята супрацоўнікаў мытных органаў – Дзень мытніка. За гады незалежнасці інстытут мытнай службы стаў неад'емнай апорай эканамічнай і нацыянальнай бяспекі краіны. Сёння дзейнасць мытнікаў выходзіць за рамкі кантролю за перамяшчэннем тавараў і збірання плацяжоў: адным з найважнейшых напрамкаў іх дзейнасці стала забеспячэнне аховы правоў на аб'екты інтэлектуальнай уласнасці.

Ва ўмовах імклівага тэхналагічнага развіцця, пастаяннага росту сусветнага тавараабароту і інтэграцыйных працэсаў Беларусь актыўна ўдасканальвае нарматыўную базу і механізмы барацьбы з парушэннямі правоў праваўладальнікаў. Асноўнай задачай беларускай мытнай службы ў гэтым напрамку з'яўляецца выяўленне і спыненне ўвозу і вывазу кантрафактнай прадукцыі, а таксама прыняцце актыўных мер па папярэджанні незаконнага выкарыстання аб'ектаў інтэлектуальнай уласнасці.

Дзякуем за высокую прафесійную адказнасць, адданасць справе і ўклад у развіццё Рэспублікі Беларусь. Жадаем моцнага здароўя, дабрабыту, энергіі і новых дасягненняў!

Больш навін аб інтэлектуальнай уласнасці – у нашых сацсетках (Instagram, Telegram).