НЦІУ прыняў удзел у XVII Міжнародным форуме «Інавацыйнае развіццё праз рынак інтэлектуальнай уласнасці»

На юрыдычным факультэце Беларускага дзяржаўнага ўніверсітэта  адбылося пасяджэнне рэгіянальнай сесіі «Эканоміка інтэлектуальнай уласнасці ў інавацыйным і лічбавым развіцці Рэспублікі Беларусь» XVII Міжнароднага форуму «Інавацыйнае развіццё праз рынак інтэлектуальнай уласнасці».

У рамках мерапрыемства начальнік упраўлення патэнтнай дакументацыі і рэдагавання Нацыянальнага цэнтра інтэлектуальнай уласнасці Аляксандр Мазанік прадставіў даклад «Патэнтны аналіз і патэнтны ландшафт як інструменты інавацыйнага развіцця эканомікі».

Удзельнікі сесіі абмеркавалі пытанні эканомікі інтэлектуальнай уласнасці. Асноўная ўвага была ўдзелена развіццю рынку інтэлектуальнай уласнасці ва ўмовах інавацыйнага росту і пераходу да лічбавай эканомікі, уключаючы перспектывы еўразійскага рынку інтэлектуальнай уласнасці. Таксама спецыялісты разгледзелі практыку абароны аўтарскага права ў кантэксце інавацыйнага развіцця розных сегментаў рэгіянальных эканамічных саюзаў.

Больш навін аб інтэлектуальнай уласнасці – у нашых сацсетках (Facebook, Instagram, Telegram).