Анлайн-семінар САІУ па пытаннях пасярэдніцтва і арбітражу

8-10 лістапада 2022 г. з 10:00 да 12:00 пры падтрымцы Міжнароднай асацыяцыі па абароне інтэлектуальнай уласнасці і Міжнароднай асацыяцыі тэхналагічнага права адбудзецца анлайн-семінар Сусветнай арганізацыі інтэлектуальнай уласнасці (САІУ) па пытаннях пасярэдніцтва і арбітражу.

Семінар закліканы садзейнічаць разуменню варыянтаў альтэрнатыўнага вырашэння спрэчак (ADR) САІУ ў вобласці інтэлектуальнай уласнасці (ІУ) і тэхналогій.

Семінар прызначаны для медыятараў, юрыстаў у галіне арбітражу і ІУ, штатных юрыстаў, патэнтных павераных і павераных па таварных знаках, а таксама бізнес-прафесіяналаў, якія жадаюць азнаёміцца з міжнароднымі працэдурамі пасярэдніцтва і арбітражу і прайсці навучанне ў якасці нейтральных асоб або прадстаўнікоў бакоў.

Больш падрабязна даведацца аб семінары і зарэгістравацца для ўдзелу можна па спасылцы.